Fimm dagar uttan nýggja smittu

Heldur ikki í gjár varð nakar staðfestur positivur fyri covid-19, vísa nýggjastu tølini hjá Landslæknanum.

163.706 kanningar eru nú gjørdar í Føroyum, harav 263 í gjár.

Enn eru 498 persónar staðfestir positivir, og 495 teirra eru staðfestir frískir aftur. Sostatt eru framvegis trý positiv í løtuni.

Eingin er í løtuni innlagdur á Sjúkrahúsverki Føroya í sambandi við covid-19, og seks persónar eru í sóttarhaldi.