Innanlands

Fleiri bøtur og klipp í ferðsluni í gjár

Í gjárkvøldið skrásetti løgreglan fleiri brot á ferðslulógina – M.a. vórðu fleiri, ið koyrdu nógv skjótari, enn loyvt var

(Savnsmynd: Ólavur Frederiksen)

(Savnsmynd: Ólavur Frederiksen)

2021-09-15 09:38 Author image
Alda Nielsdóttir
placeholder

Í gjárkvøldið vórðu fleiri bilførarar, sum fingu bót og klipp í koyrikortið, tá løgreglan kannaði ferðsluna.

Tveir bilførarar vórðu tiknir fyri at koyra skeivan veg á einum einvegis vegastrekki í høvuðsstaðnum, og tveir bilførarar vórðu tiknir fyri at koyra ávikavíst 117 km/t, og 89,3 km/t í óbygdum øki. Hetta var millum Hvalvík og Hósvík og nærindis Brúnna við Streymin.

Ein bilførari varð eisini tikin fyri at tosa í handhildnari telefon.

Sama kvøldið vórðu nakrir undómar eisini tiknir í at kasta egg eftir bilum í miðbýnum í Havn. Tá mátti løgreglan taka eitt álvarsamt prát við teir fyri at greiða teimum frá, at slíkt kann elva til álvarsaman skaða, sigur vaktleiðarin á politistøðini.

placeholder
placeholder