Fleiri flogfør seinkað

Nakað av órógvi er í flogferðsluni í dag, og boðar Vága floghavn frá fleiri seinkingum.

Sambært yvirlitinum hjá floghavnini, eru m.a. flogfør, sum skuldu koma úr Keflavík, Keypmannahavn og París seinkað.

Eitt flogfar, sum skuldi koma úr Keflavík klokkan 11.30 stendur í løtuni til at lenda klokkan 21.35, og eitt flogfar, sum skuldi koma úr París klokkan 18.30, stendur at koma klokkan 3.35.