Innanlands

Fleiri kvinnur enn menn lata seg kanna fyri koronavirus

Tað er eingin munur á monnum og kvinnum, tá tað kemur til tal av smittaðum. Nýggjastu hagtølini vísa, at tann aldursbólkurin ið er mest kannaður, er tann, har fólk eru 40-49 ár - eisini eru yvir 500 fólk í tríatiárunum kannaði

2020-03-27 13:55

Agnar Prestá

Fyrrpartin vóru nýggj hagtøl, fyri gongdina viðvíkjandi korona í føroyum, gjørd upp, og nú kunnu tey síggjast á heimasíðuni hjá Heilsumálaráðnum og á corona.fo

Sí øll hagtølini her - har sæst eisini yvirskipaða gongdin

Hagtølini vísa millum annað nakað um kyn og aldur.

57,3 prosent av teimum 3120 kannaðu eru kvinnur. Viðvíkjandi talinum av staðfestum smittaðum, er tað 50-50: 72 kvinnur og 72 menn hava fingið staðfest covid-19.

Heilsumálaráðið skrivar, at aldursbólkarnir frá 20 til 50 ár eru teir, ið hava kannað seg mest.

Av hesum eru flest (547) ímillum 40 og 49 ár. Tað eru eisini flest í hesum aldursbólkinum (30), ið hava fingið staðfest koronasmittuna.

Vinarliga broyt tínar kennifíla - og privatlívsstillingar fyri at síggja hetta innihald