Flestu vørurnar til jóladøgurðan dýrkaðar

Dunnan er dýrari, eplini eitt vet dýrari og sodavatnið er dýrkað nakað. Men kostnaðurin er óbroyttur í mun til í fjør.

Hagstovan hevur í sambandi við jólini kanna prísvøksturin á ymsu vørubólkunum, sum verða brúktir til døgurðan jólaaftan.

Prísurin á mati er hækkaður 10 prosent og á drykkjuvørum uttan alkohol 7 prosent. Til dømis er prísurin á flogfenaði hækkaður 24 prosent.

Kostnaðurin á rúsdrekka er óbroyttur, sigur Hagstovan.

Nýta mest streym frá 12 til 18

Jólaaftan veksur el-nýtslan hjá húsarhaldunum út á seinnapartin og er størst millum klokkan 17 og 18, sigur Hagstovan. Millum 18 og 20 verður komfýrurin og onnnur tól sløkt, og vit njóta góða matin og pakka gávur upp.