Flokkur á tøknibreytini í Klaksvík mist áleið 250.000 krónur

Ein skúlaflokkur á tøknibreytuni á Tekniska Skúla í Klaksvík er komin í trupulleikar. Hetta kunnu næmingar og lærarar tó ikki lastast fyri. Flokkurin skal eftir ætlan á námsferð í heyst, og hevði bílagt sína ferð til Kroatia ígjøgnum WeTravel. 

Í gjárkvøldið gjørdist greitt, at ferðaskrivstovan er farin á húsagang, og at hetta  ávirkar tey, sum hava bílagt ferð frá WeTravel. 

Les meira: WeTravel farið á húsagang

Hetta ávirkar millum annað næmingarnar, sum eftir summarfríðitíðina skulu ganga á 3. árið á tøknibreytini. VP skrivar, at helst er allur peningurin hjá teimum 18 næmingunum mistur.

Tey 18 ungu hava annars savnað inn á ymsan hátt fyri at rinda ferðina fyri seg og lærarnar/ferðaleiðararnar. Magnus Norðberg er ein av teimum, sum eftir ætlan skuldi vera við sum ferðaleiðari. Hann sigur við vp.fo:

- Hetta gjørdist ein keðilig og ikki minst syrgilig støða hjá næmingunum at koma í, men nú fara vit at royna, um vit ikki kunnu fáa peningin aftur.