Fólkavøkstur í Suðuroynni seinasta árið

Fólkavøksturin í Føroyum heldur fram, og nú eru vit næstan 52.000.

Seinastu mongu árini hevur fráflyting verið ein stórur trupulleiki í Suðuroynni. Men seinastu tølini frá Landsfólkayvirlitinum vátta, at farna árið hevur vøkstur verið í fólkatalinum sunnast í Føroyum.

Tvøroyar Kommuna vísir á tølini, og tað er júst á Tvøroyri, at vøksturin hevur verið stórur – greitt størst í oynni. 

Tað búgva 1748 borgarar í Tvøroyrar Kommunu. 26. august í 2018 búðu 1700 borgarar í kommununi. Talan er um ein vøkstur á 2,8% 

Samanlagt búgva 4.638 fólk í Suðuroynni í dag. Framgongdin er 1,2 %. - 56 fólk.

Vøkstur er eisini í Hvalba, Famjin og í Vági. Í hinum trimum kommununum er fólkatalið minkað eitt lítið sindur. 

Her er yvirlitið fyri tær sjey kommunurnar í Suðuroynni. Fyrra talið er fólkatalið 26. august 2018, tað seinna er 26. august 2019:

Fámjin   78/80, +2, uml. 2,5% vøkstur

Hov   100/96, -4, uml. 4% minking

Hvalba   666/678, + 12, uml. 1,8% vøkstur

Porkeri   322/318, -4, uml. 1,25% minking

Sumba   367/364, -3, uml. 0,8% minking

Tvøroyri   1700/1748, +48 uml. 2,8% vøkstur

Vágur 1349/1354, +5, uml. 0,3% vøkstur.