Føroya Bjór við nýggjari øl

Jólini nærkast í hvørjum, og nú hevur Føroya Bjór latið úr honum eina nýggja øl, ið sambært bryggjaríunum hóskar heilt væl til jólaborðið, og sum í roynd og veru er gjørd til árstíðina:

- Bock Bjór er ein myrk sterk bjór við góðum maltsmakki. Bjórin  hóskar væl til jólaborðið. Afturvið røstum kjøti, gás ella fleska og oksasteik. Eisini til ræstan fisk og speril. Bjórin er bryggjað siðbundið til hesa myrku árstíðina og hóskar hon væl til hugnaligar løtur, skrivar Føroya Bjór í kunningarskrivi.

Styrkin er 7,2 prosent, og Bock Bjór er bryggjað sum ein lager, ið liggur leingi á tanga, fyri at fáa góða og kraftiga smakkin í ølini at javnviga væl. 

Les eisini: Sætta útgávan av whisky úr Klaksvík kemur út í morgin