Føroyska kreppuráðið kallað saman í kvøld

Føroyska Kreppuráðið fer í kvøld at viðgera støðuna, nú Danmark í kvøld hevur hert tiltøkini móti coronasmittuni.

Danmark stongir meira ella minni. Øll skúlagongd er avlýst, dagstovnar stongja og almenn starvsfólk verða send til hús.

Løgmaður hevur tíðindafund í morgin klokkan 9, men sambært Kringvarpinum skal Kreppuráðið viðgera, um føroyskir myndugleikar skulu koma við boðum fyrr enn tað.

Kreppuráðið hevur yvirskipaðu tilbúgvingina í landinum. Í Kreppuráðnum eru allir aðalstjórarnir, løgreglan, Arktisk kommando og kommunurnar.