Framvegis eingin broyting

Tað eru framvegis í alt 187 føroyingar, ið hava fingið staðfest korona-smittuna.

Hetta er greitt eftir tær 76 kanningarnar í gjár, og tað byggir á í alt 8317 kanningarúrslit.

Landslæknin upplýsir, at eingin tilburður varð staðfestur seinasta samdøgrið. Seinastu tilburðirnir vórðu staðfestir fyri tveimum vikum síðani. 

Í løtuni eru 185 føroyingar staðfestir frískir, eftir at hava fingið staðfest koronasmittuna. Eingin persónur er í løtuni innlagdur á Sjúkrahúsverki Føroya í sambandi við koronasmittuna.