Agnar Prestá
Nýggjastu tølini hjá Landslæknanum vísa, at eingin nýggjur smittutilburður varð staðfestur í gjár.
388 kanningar vórðu gjørdar, og allar eru liðugt greinaðar. Tilsamans eru nú 228.419 kanningar gjørdar, skrivar corona.fo
Tilsamans hava 658 persónar fingið staðfest smittuna í Føroyum. 654 persónar eru staðfestir frískir aftur. Higartil er ein persónur deyður við koronu í Føroyum. Sostatt eru tríggir persónar smittaðir í løtuni.
Ein av teimum persónunum er smittaður við bretska koronufrábrigdinum. Hann kom til landið við flogfari sunnudagin. Tey, sum hava sitið nær við viðkomandi í flogfarinum, eru biðin um at kanna seg aftur í dag.
Les eisini: Talan er um bretska koronufrábrigdið
Eingin persónur er í løtuni innlagdur á Sjúkrahúsverki Føroya í sambandi við koronusmitt upplýsa heilsumyndugleikar.
Vinarliga broyt tínar kennifíla - og privatlívsstillingar fyri at síggja hetta innihald