Talan er um bretska koronufrábrigdið

Nú er staðfest, at tað er bretska frábrigdið av koronu, sum varð funnið á flogvøllinum í Vágum sunnudagin.

Hetta skrivar Kringvarpið í dag.

Týsdagin varð kunngjørt, at ein persónur hevði fingið staðfest smittu við komu til Føroyar, og at fyribils kanningar av nýggja tilburðinum vístu, at talan er um bretsku útgávuna av Covid-19, sum nevnist B.1.1.7.

Les eisini: Ein tilburður av bretska frábrigdinum í gjár

Lars Fodgaard Møller sigur við KVF, at ferðafólkini, sum vóru við flogfarinum sunnudagin, eru mint á tilmælini um heimauppihald, og at tey skulu vera sera ansin næstu dagarnar.

Tey, sum sótu nær við tann smittaða, eru biðin um at lata seg kanna fjórða dagin - tað vil siga í dag. 

Hetta eru aðru ferð, at bretska frábrigdið er í Føroyum. Hetta ávirkar einki viðvíkjandi verandi tilmælum.