Frystiboksir og kuldaskáp í evropeiskum matvøruhandlum rakt av teldusníkaálopi

Frystiboksir og kuldaskáp í fleiri evropeiskum matvøruhandlum eru í dag raktir av teldusníkaálopi.

Í fleiri Ica- og Coop-handlum í Svøríki er hitin koyrdur upp á 50 stig, og maturin er spiltur.

Boðað verður frá líknandi álopum í m.a. Belgia og Luksemborg, har handlar hjá m.a. niðurlendsku handilsketuni Ahold Delhaize eru raktir. Handilsketan boðaði eisini frá teldusníkaálopi í oktober, skrivar Ritzau.

Í oktober vórðu hundraðtals matvøruhandlar í Fraklandi raktir av einum líknandi álopi. Har var tað ein skipan hjá donsku fyritøkuni Danfoss, sum varð álopin.

Hvussu nógvir handlar hava verið ávirkaðir, og hvør stendur aftanfyri, er ógreitt.