Fýra føroyingar afturat fingið smittuna

Tað eru nú í alt 177 føroyingar, ið hava fingið staðfest korona-smittuna. Tað kunngerð Heilsumálaráðið í morgun. Hetta byggir á í alt 4.512 kanningarúrslit.

Sostatt eru fýra persónar staðfestir smittaðir afturat seinasta samdøgrið, upplýsir Landslæknin.

Í løtuni eru í alt 81 føroyingar staðfestir frískir aftur – ein persónur er innlagdur á Sjúkrahúsverki Føroya í sambandi við koronasmittuna.