Mentan

Fyrsta pisan á Kambsdali floygd

Óluva Breiðaskarð gjørdist ársins fyrsta pisa á Miðnámi á Kambsdali

Óluva Breiðaskarð og Djóni Nolsøe Joensen, landsstýrismaður í Barna- og útbúgvingarmálum (Mynd: Miðnám á Kambsdali)

Óluva Breiðaskarð og Djóni Nolsøe Joensen, landsstýrismaður í Barna- og útbúgvingarmálum (Mynd: Miðnám á Kambsdali)

2023-06-07 22:05 Author image
Sverri Egholm
placeholder

Í dag varð ársins fyrsta pisa floygd á Miðnámi á Kambsdali. Tað var Óluva Breiðaskarð, ið gongur á búskaparbreyt, sum í dag hevði støddfrøði sum sína seinastu lærugrein.

Óluva er í dag tann 1009. pisan, ið fær prógv frá Miðnámi á Kambsdali síðan samanleggingina í 2015. Í sambandi við, at hakin seinnapartin varð settur í til útbygging á Kambsdali, var landsstýrismaðurin í Barna- og útbúgvingarmálum, Djóni Nolsøe Joensen, komin á dalin. Tey møttust í túninum, so landsstýrismaðurin fekk høvi at heilsa uppá nýfloygdu pisuna – og øvugt.

Sum siður er á Kambsdali, fær fyrsta pisan heiðurin saman við rektaranum at vinda merkið í húnar hátt – at fagna teimum, sum í dag og næstu dagarnar fara at standa endaligu próvtøkuna og fáa húgvuna á høvdið – sum ímynd fyri avrikið.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder