Innanlands

Gekk seg fasta í Sandoynni

Ein kvinna var farin ein gongutúr við trimum børnum, men seinnapartin í gjár noyddist hon at ringja eftir hjálp

(Savnsmynd)

(Savnsmynd)

2020-06-01 10:40 Author image
Alda Nielsdóttir
placeholder

Seinasta vikuskiftið hevur verið stak friðarligt, sigur løgreglan.

Tó vórðu tveir bilførarar í Suðurstreymi skuldsettir fyri rúsdrekkakoyring. Blóðroynd er tikin av teimum, og bíðað verður nú eftir úrslitinum.

Klokkan eitt seinnapartin í gjár varð løgreglan eisini uppringd av einari kvinnu, sum hevði gingið seg fasta saman við trimum børnum í Sandoynni stutt frá Sands bygd.

Løgreglan fekk staðkend fólk at hjálpa, og tað var skjótt, at bæði kvinna og børn komu aftur í øllum góðum.

Stutt fyri klokkan tíggju í morgun vórðu løgregla og sløkkilið boðsend í sambandi við, at ein brandalarmur var farin í gongd á Hjalla í Havn. Vaktleiðarin á politistøðini sigur tó, at eingin vandi er á ferð, tí talan var um ein tekniskan feil.

placeholder
placeholder