Gekkurin aftur fríggjakvøld

Um tú ætlar tær at vinna hasar 1,4 millónir krónurnar, sum eru í Gekkinum, so skalt tú spæla við komandi fríggjakvøld.

Seinastu vikurnar hevur Gekkurin verið á skránni hóskvøld fyri ikki at koma í rasshaft við stevnur, festivalar og annað útilív, sum føroyingar eru upptiknir av vikuskiftini um summarið. 
 
Ætlanin var alla tíðina, at hetta skuldi bert vera nakrar vikur um summarið. Nú summarfrítíðin er av, og kvøldskúlar, venjingar, bindiklubbar og annað virksemi tekur seg upp aftur, fara vit at spæla Gekk aftur hvørt fríggjakvøld eftir Dag og Viku og Veðrið.