2024-12-27 11:22
Agnar Prestá
Agnar Prestá
- Í 2001 rýmdi ein genta úr Sundalagnum, og endaði 7 míl frá Hollywood. Edmund - sum skrivaði lagið til CHASE - hevur mangan hugsa um, hvussu tað hevði verið, um hon nú kom heimaftur á klettarnar. Hevði nakað skil verði á?
Soleiðis skrivar Norðkraft í tíðindaskrivi í dag í sambandi við nýggja staklagið hjá bólkinum.
Forsangarin og sangskrivarin er tann sami sum í Chase, og nú hevur Edmund Jacobsen gjørt eitt slag av "tvey'ara" til kenda rokklagið.
7 míl frá Hollywood (Youtube/Tóki Brattalíð)
Norðkraft ætlar at koma við einari heildarútgávu næsta ár. Bólkurin fæst, eins og Chase, við rokk. Nýggjasti sangurin er komin út í dag. Hann verður lýstur sum ein "kontantur rokkari".
- Bæði eg og Edmund lurta eftir - og spæla eisini - øll sløg av tónleiki. Men tá ið tað snýr um NORÐKRAFT, so fer tað altíð at verða rokkur, sigur guitarleikarin í bólkinum Mikkjal Hvannastein.
- Tað er jú tann stílurin, ið eg og Mikkjal avgjørdu at spæla saman, tá ið vit stovnaðu bólkin, sigur sangarin Edmund Jacobsen.
Nú er høvuðspersónurin í "7 míl frá Hollywood", gentan, brádliga heima aftur í Føroyum. Og tað er hetta, sum staklag nummar tvey hjá Norðkraft snýr seg um.
Til ber at hoyra "Heim frá Amerika" og síggja videolag ovast ella á Youtube
Staklagið Heim frá Amerika er tikið upp í Esbjerg í heyst.
Tónleikarar eru: Peter Jakobsen bass, Matthew Anyanwu trummur, Mikkjal Hvannastein guitar og Edmund Jacobsen sang.
Lagið er ljóblanda og mastrað í Gøteborg av Christoffer Borg, ið hevur arbeitt við rokkbólkum sum Evergrey, Amaranthe, Art Nationi.
Lagið er ljóblanda og mastrað í Gøteborg av Christoffer Borg, ið hevur arbeitt við rokkbólkum sum Evergrey, Amaranthe, Art Nationi.
“HEIM FRÁ AMERIKA” - credits:
- Orð og lag: Edmund Jacobsen
- Lagt til rættis: Norðkraft
- Mix & master: Christoffer Borg
- Sang: Edmund Jacobsen
- Guitar: Mikkjal Hvannastein
- Bass: Peter Jacobsen
- Trummur: Matthew Anyanwu
- Kór: Matthew Anyanwu, Peter Jakobsen og Edmund Jacobsen
- Keyboards: Edmund Jacobsen
- Perma: Edmund Jacobsen
- Samskipan og redigering av musikvideo: Edmund Jacobsen
Vinarliga broyt tínar kennifíla - og privatlívsstillingar fyri at síggja hetta innihald