Geva seg út fyri at vera Bilasølan

Tað kann vera torført at vita hvat er veruligt og hvat er falskt á netinum. Tað má Bilasølan ásanna.

Bilasølan hevur eina kapping koyrandi á Facebook, og hóast freistin ikki er farin og vinnarin ikki enn ikki er funnin, er ein falskur brúkari farin at gera um seg. Hann skrivar - á donskum - til fólk og sigur, at tey hava vunnið kappingina.

Hesin brúkarin heitir eisini fólk um at trýsta á eina leinkju, og skráseta seg.

Hetta er ikki rætt, og Bilasølan heitir á fólk um at strika hesi boðini beinanvegin og um at melda brúkaran.