Gevst eftir 14 ár

Nærum hvønn dag í 14 ár hevur hann gingið ein túr í Havnini og lagt myndir út á Facebook. Tú hevur sikkurt sæð onkra av teimum túsundtals myndunum hjá Jógvani á Dul.

Men nú gevst hann. Hesum boðar Jógvan á Dul frá á Facebook í dag.

- "Góðan morgun úr Havn" fer ikki longur at vera fastur táttur hjá mær á Facebook. Eg havi gjørt tað í 14 ár, men fari nú at gevast við tí, skrivar Jógvan á Dul.

Frá morguntúrinum í gjár (Mynd: Jógvan á Dul)

- Eg eri nú 81 ára gamal, men fari framvegis at fylgja við á Facebook, skrivar hann.