Góðar 890 milliónir krónur útgoldnar í lønum í februar

Nýggjastu tølini hjá Hagstovuni vísa, at nakað undir 900 milliónir krónur vórðu útgoldnar í lønum í februar.

Talið var um umleið 55 milliónir krónur meira enn sama mánað í fjør.

Talva: Hagstovan

Hetta vísa nýggjastu tølini hjá Hagstovuni, ið vísur á, at vøksturin í lønargjaldingunum stendur við, hóast vøksturin í talinum av løntakarum gongur seinni enn hann hevur gjørt.

Hagstovan skrivar eisini, at munurin millum kynini er vaksandi.

Mannfólk fingu 65 prosent útgoldið -  konufólk 35 prosent (beint yvir 300 milliónir krónur) 


Talva: Hagstovan

Vøkstur er í øllum vinnugreinabólkunum. Sløk 65 prosent av lønargjaldingunum verða útgoldar í almennu- og privatu tænastuvinnunum, 20 prosent í fiskivinnu og aðrari tilfeingisvinnu og 15 prosent í byggivinnuni, boðar Hagstovan frá