Innanlands

Granni: Tað var forferdiligt

Tað sigur ein í grannalagnum, har skottilburður fór fram í gjárkvøldið og nátt

(Mynd: Sverri Egholm)

(Mynd: Sverri Egholm)

2019-12-10 11:09 Author image
Sverri Egholm

- Grannarnir vóru bidnir um at leggja seg niður og halda seg vekk frá vindeygunum. Tað var forferdiligt, og eisini við børnum í húsunum.

Hetta sigur ein granni, sum Portalurin hitti í Miðvági fyrrapartin. Í gjárkvøldið og í nátt var øgiligt rok í økinum, og skot vóru latin av. Tveir persónar vóru raktir.

- Eg legði merki til tað beint áðrenn klokkan 10. Tað er ikki óvanligt at slíkt hendir her í økinum, men hetta var tað ógvusligasta.

- Løgreglumenn gingu uttan fyri húsini við skjøldri og hjálmi, sigur grannin, sum sigur at tey hoyrdu sjey skot tilsamans.

Í økinum kring húsini, har hendingin fór fram í gjárkvøldið, hevur løgreglan avbyrgt, og løgreglan stendur eisini á varðhaldi.

Grannar vóru avhoyrdir í nátt, men skulu eisini avhoyrast í dag, skilst.

Fólk frá Københavns Politi og Ríkisløgregluni eru boðsend til at vera við í víðari kanningararbeiðinum.

Les eisini: Løgreglan skeyt eftir hóttandi persóni í Miðvági

placeholder
placeholder