Grindin hildin til í Kollafirði

Grindin, sum varð funnin í Tangafirði fyri góðum tíma síðani, legði fyri løtu síðani beinini í Kollafirði.

Talan er um eina lítla grind á millum 10 og 15 hval, og verður hon allarhelst býtt í drápspartar, sigur Finnbogi Midjord, sýslumaður.

– Eg haldi, drápið gekk væl, sigur sýslumaðurin, sum leggur afturat, at tað var yvirstaðið uppá eini 15 minuttir.