Gull til gullið hjá Føroya Bjór

Føroya Bjór hevur vunnið Gull heiðursmerki á World Beer Awards, ið er ein altjóða kapping og góðskumeting av øli.

Hetta skrivar bryggjaríið í fráboðan.

Fleiri enn 2000 ymiskar øl luttóku frá 50 ymiskum londum. Møguleiki var at vinna gull, silvur, bronsu.

- Vit stremba hvønn dag eftir besta smakkinum, og at gera eitt gott góðskuarbeiði. Tískil er eitt Gull heiðursmerki, eitt stórt herðaklapp til starvsfólkið, sigur Føroya Bjór.