Gullak A. Madsen er aftur góður fyri milliardina

Kvívíkingurin Gullak A. Madsen, reiðari í Hirtshals, er nú aftur milliardingur. Ein ósemja í felagnum, sum endaði við at Gullak Madsen valdi at keypa Óla Nattested úr felagnum hevði við sær, at Gullak ikki longur var milliardingur á pappírinum.

Men nú er hann aftur góður fyri meira enn milliardina. Tað skrivar danski miðilin finans.dk 

Hetta er greitt eftir at reiðarin í Hirtshals hevur selt fiskakvotur fyri eina trísiffraða milliónaupphædd, skrivar finans.dk.

Gullak Arngrimsson Madsen eigur reiðaríið Ruth gjøgnum íløgufelagið GMT Holding ApS, sum í fjør hevði ein vinning eftir skatt á 128 milliónir krónur.

Føroyingurin hevur vunnið hópin av pengum við at selja burturav sínum kvotum. Hann eigur í dag umleið 10 prosent av øllum donsku kvotunum, og tær hava eitt virði á 800 milliónir krónur, skrivar finans.dk.

Óli Nattestad, sum Gullak Madsen keypti úr reiðarínum Ruth, er maðurin, sum saman við konuni Ann Dorith í fjørsummar setti pengar í Sandoy Seafood, flakavirkið í Skopun, so tað kundi lata uppaftur.