Hættislig støða í ferðavinnuni

- Ferðavinnan er rakt yvir alla linjuna. Tá fyrsta liðið, sum er flutningur, hvørvur, so sigur tað seg sjálvt, at hetta fær sera stóra ávirkan á alla vinnuna. Eg rokni við, at tað hevur næstan hálverað talið av størvum í vinnuni.

- Bara í Atlantsflog eru tey 100 færri, og fyri hotell-, matstovu- og incomingvinnuna er støðan eisini sera álvarslig, so har eru helst eini 3-400 fólk afturat, sum fyritøkurnar fyribils máttu vinka farvæl til. Tað skal so sigast, at onkrar oyggjar hava havt fleiri vitjandi, serliga Suðuroyggin, har tey vitjandi fyrst og fremst hava verið føroyingar. Høvuðsorsøkin er helst, at tað í stóran mun ikki hevur borið til hjá okkum at ferðast út í heim, sigur Guðrið Højgaard, stjóri í Visit Faroe Islands.

Hon heldur at hjálparpakkarnir sum vórðu latnir fyrr í ár áttu at verið longdir. Tað er tó einki sum bendir á hetta.

- Tann fyrsti hjálparpakkin við Als-skipanini gjørdi stóran mun, men teir seinnu hava ikki hjálpt nevnivert. Hjálparpakkarnir áttu at verið størri og sjálvandi eisini longdir. Í Danmark og aðrastaðni eru hjálparpakkarnir longdir, men tíverri bendir einki í løtuni á, at hetta verður gjørt í Føroyum.

Les alla ókeypis greinina í Blaðnum Vikuskifti, sum er nýggja blaðið hjá Portalinum, og sum kemur út hvønn leygarmorgun klokkan 7.