Innanlands

Hagstovan: 168.000 skrásettar gistingar í 2019

Hetta eru 16.500 fleiri - 11 prosent - enn í 2018. 30 prosent vóru fólk búsitandi í Danmark. Stórur vøkstur er í gistingum frá londum sum Bretlandi, Fraklandi og Spania 

2020-02-18 14:48 Author image
Agnar Prestá
placeholder

Ferðafólkatalið í Føroyum er støðugt vaksandi. Í seinastu viku kunngjørdi Vága Floghavn tølini fyri 2019, og ferðslan var methøg. Tølini vístu, at beint undir helmingurin (47 prosent) av teimum skrásettu, ið ferðaðust umvegis flogvøllin, ikki vóru føroyingar.

Les eisini: Ongantíð áður hava so mong ferðast um Vága Floghavn  

Gistingarhagtøl vórðu fyrstu ferð skrásetti í 2013. Síðani hevur ein støðugur vøkstur verið at sæð, men vøksturin í fjør var serliga stórur. Hetta skrivar Hagstova.Føroya.

Sum vanligt eru flest skrásettar gistingar hjá fólki, sum eru búsitandi í Danmark. Í 2019 var talan um 30 prosent av teimum 168.000 skrásettu. Stórur vøkstur er eisini frá londum sum Bretlandi (37 %), Fraklandi (46 %) og Spania 65 (%). 
Størsta minkingin í gistinætum er hjá føroyingum sjálvum - næstan 2.000.

Uppgerðin av gistingarhagtølum, ið er kunngjørd í dag, fevnir ikki um Airbnb. Hetta er tí, at Hagstovan ikki hevur atgongd til upplýsingar um gistingar av hesum slagi.

Sí øll hagtølini á heimasíðuni hjá Hagstovuni




placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder