Hagstovan: Knapt 29.600 starvsfólk í september

Í september vóru 29.584 starvsfólk í Føroyum. Tað eru 231 persónar fleiri enn í september í fjør, ein vøkstur á 0,8 prosent.

Í starvsfólkaskaranum vóru knapt 15.100 men og 14.500 kvinnur.

Hjá kvinnum vóru 129, ella 0,9 prosent, fleiri samanborið við september í fjør. Hjá monnum var vøkstur á 0,7 prosent, ella 102 starvsfólk.

Um hugt verður eftir aldursbýtinum sæst, at størsti aldursbólkurin í september var tey starvsfólk, sum vóru millum 30 og 39 ár. Tey telja góð 20 prosent. Yvir 54 prosent av starvsfólkunum eru tó 40 ár ella eldri, skrivar Hagstovan.