Innanlands

Hagstovan: Miðallønin hjá monnum 30 prosent hægri enn hjá kvinnum

Í oktober var miðallønin hjá monnum hægri enn hjá kvinnum, men í mun til sama mánað í fjør var miðallønin vaksin meira hjá kvinnum enn hjá monnum.

(Savnsmynd)

(Savnsmynd)

2026-11-18 20:29 Author image
Alda Nielsdóttir
placeholder

Í oktober var mánaðarliga miðallønin hjá føroyingum 37.400 krónur, sum er nærum eitt prosent hægri samanborið við oktober í fjør, skrivar Hagstovan.

Í oktober fingu menn 44.500 krónur í miðal - 30 prosent hægri enn miðallønin hjá kvinnum, sum var 31.000 krónur í miðal.

Samanborið við sama mánað árið fyri, er útgoldna miðallønin vaksin við 0,3 prosentum hjá monnum og 1,8 prosentum hjá kvinnum.

Tá miðallønin verður roknað, verður tó ikki tikið hædd fyri arbeiðstíð, skrivar Hagstovan. Miðallønin verður roknað við at býta samlaðu lønina við tal á persónum, sum fáa løn.

Les eisini: Góðar 14 milliardir útgoldnar í lønum seinastu 12 mánaðirnar


placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder