Halda seg kenna orsøkina

- Vit halda okkum kenna orsøkina til, at skipið fór á land, men hetta mugu vit fáa staðfest við vissu.

Tað sigur Hans Johannes á Brúgv, stjóri í Sjóvinnustýrinum, við Kringvarpið um sjófrágreiðingina í sambandi við at uppsjóvarskipið Arctic Voyager sigldi á land í Fuglafirði.

Sjófrágreiðingin er ikki liðug enn, og tað ganga væntandi nakrar vikur áðrenn hon er klár, og ein endalig niðurstøða er tøk, sigur Hans Johannes á Brúgv.

Tá verður støða tikin til, um nakar skal ákærast í málinum.

Les eisini: Skiparin var ikki ávirkaður

Les eisini: Botnurin fekk skaða

Soleiðis sá út 4. november um hálvgun eitt tíðina um náttina, tá Arctic Voyager slapp leysur (Upptøka: Tórik Ábraham Rouah)