Harðskapur móti smábarni: Varðhaldsfongslað fýra vikur afturat

Tey bæði ungu fólkini, sum eru skuldsett fyri harðskap móti tríggjar mánaðum gomlum barni, skulu sita í varðhaldi í fýra vikur afturat.

Tað var síðst í oktober mánað, at maðurin og kvinnan vóru handtikin, og síðan hava tey sitið varðhaldsfongslaði.

Í morgun varð varðhaldsfongslingin so aftur longd.

Føroya rættur gav ákæruvaldinum viðhald í, at fólkini skulu sita fýra vikur afturat í Mjørkadali, veit Kringvarpið.

Skuldsetingin er eftir grein 246, sum er um grovasta harðskapin, sum kann geva fongsul upp í 10 ár.

Les eisini: Skuldsett fyri grovan harðskap móti barninum

Les eisini: Fongslingin longd í fýra vikur

Les eisini: Tvey fólk fongslað fyri harðskap móti barni