Harður samanstoytur við Streymin

Ein harður samanstoytur hendi nakað fyri klokkan tvey seinnapartin við brúnna um Streymin.

Ein bilur kom koyrandi oman eftir tunnilsvegnum og skuldi yvir um brúnna, tá hann rendi á ein annan bil, ið koyrdi út á høvuðsvegnum frá Norðskála.

Samanstoyturin var so mikið harður, at báðir bilarnir gjørdust vrak, og nummarpláturnar vórðu kliptir av teimum.

Sjúkrabilur var eisini á staðnum, og minst ein persónur varð koyrdur á sjúkrahúsið til kanningar. Løgreglan hevur í løtuni ikki fulla greiði á hvussu nógvir persónar vóru við í óhappinum.