Harry Potter sum sjónvarpsrøð

Kendu bøkurnar um Harry Potter koma út sum sjónvarpsrøð á stroymingartænastuni HBO Max.

Hesum boðar tænastan frá á Twitter, og eisini Warner Bros. Discovery, sum hevur framleitt Harry Potter-filmarnar váttar hetta.

Einki verður sagt um nær sjónvarpsrøðin kemur út.

Tað eru 26 ár síðani at rithøvundurin J.K Rowling kom út við fyrstu bókini "Harry Potter og vitramannasteinurin". Allar sjey bøkurnar eru umsettar til føroyskt av Gunnari Hoydal, Maluni Háberg og Bergi Rasmussen.

Teir átta filmarnir í filmsrøðini komu út frá 2001 til 2011.

Rupert Grint, Daniel Radcliffe og Emma Watson spældu tey trý Ron, Harry og Hermione í Harry Potter-filmunum