Hava lagt hald á 5.000 skotvápn á amerikonskum floghavnum

Í tíðarskeiðnum januar - september í ár hava starvsfólk á amerikonsku floghavnunum lagt hald á 5.028 skotvápn, sum ferðafólk hava roynt at tikið við sær í hondviðførinum.

Tað svarar til umleið 18 skotvápn um dagin, og tað er eitt lægri tal enn í fjør, vísir frágreiðing frá amerikanska flutningsmálaráðnum sambært DR.

Í USA er loyvt at hava vápn við sær í viðførið, sum er innskrivað, men ikki í hondviðførið. Tað kann geva eina bót á upp í 15.000 dollarar, sum svarar til góðar 100.000 krónur.