2022-11-26 11:00
Um klokkan 18 í gjárkvøldið varð ringt til løgregluna at boða frá royki úr almenna vesinum í Steinatúni í Havn.
Talan var, sum skilst, um onkran, sum hevði koyrt pappír í vaskið og sett eld á.
Hóast nógvan royk, var talan tó ikki um nakran størri skaða, sigur vaktleiðarin á løgreglustøðini í Havn.
Hann leggur afturat, at tað er hent fleiri ferðir, at tey verða bosend, tí at onkur hevur spælt við eld inni á hesum vesinum, og hetta er álvarsamt, tí tað kann elva til stóran skaða.
Vinarliga broyt tínar kennifíla - og privatlívsstillingar fyri at síggja hetta innihald