Hava stolið fleiri ferðir í sama matvøruhandil

Tað eru "smálutir", sum talan er um so at siga hvørja ferði. Mest er tað matvørur - millum annað góðgæti.

Samanlagt er tó talan um fitt av virði, og nú skal tað steðgast.

Vaktleiðarin á løgreglustøðuni í Havn upplýsir í morgun, at ein matvøruhandil í høvuðsstaðnum hevur meldað áhaldandi stuldur.

Hendingarnar eru farnar fram síðani einaferð í síðsta mánaða - í november. Vakmyndatól hevur verið eitt amboð.

Sambært løgregluni er talan um unglingar. Tað eru fólk, sum ikki eru myndug, og samanlagt er talan um 7-8 fólk, sum hava framt stuldur á sama staði seinastu tíðina.

Tað varð ikki staðfest júst hvussu ofta, hetta er hent, men talan er um nógvar hendingar seinasta mánaðan.

Útfrá millum annað vakmyndum veit løgreglan, hvørji talan er um og tosað verður við tey í vikuni, staðfestir vatktleiðarin.