Heimildarfilmur: Eitt ár í Føroyum

Hvat eyðkennir Føroyar og føroyingar? Hvat leggja útlendingar til merkis, tá teir vitja oyggjarnar? Júst hetta greiðir heimildarfilmurin Eitt ár í Føroyum, sum fraklendingurin Lucas Frayssinet hevur leikstjórnað.

Heimildarfilmurin vísir Føroyar og føroyingar í eitt ár við øllum tí, sum har hoyrir til av náttúru, mentan og ljósum summarnáttum til myrkan vetur.

Filmurin verður sýndur í Norðurlandahúsinum 31. mai kl 17.30 og er ókeypis. Tó er neyðugt við tilmelding, sum kann gerast á nlh.fo.

Filmurin er franskur og er tekstaður til føroyskt.

Norðurlandahúsið