Heimsbankin: Skaðar fyri 241 milliardir krónur í Turkalandi

Jarðskjálvtarnir, sum raktu Turkaland fyrst í hesum mánaðinum hava kravt nógv mannalív og havt við sær nógvar oyðileggingar.

Sambært heimsbankanum er talan um materiellar skaðar fyri 34,2 milliardir dollarar (241 milliardir krónur), men enduruppbyggingin kann enda við at kosta tvær ella tríggjar ferðir so nógv.

Jarðskjálvtarnir høvdu eisini við sær nógvar oyðileggingar í Sýria, og fer heimsbankin at koma við einari meting um støðuna í Sýria í morgin, skrivar Reuters.

Jarðskjálvtarnir 6. februar, sum máldu ávikavíst 7,8 og 7,5 á Richter-stiganum, hava kravt í minsta lagi 44.300 mannalív í Turkalandi.

Les eisini: Enn ein jarðskjálvti hevur rakt Turkaland