Alda Nielsdóttir
Harði fongsulsdómurin hjá russiska Vladimir Kara-Murza hevur skapt øsing kring heimin.
Altjóða mannarættindafelagsskapurin Amnesty International sigur, at dómurin er "enn eitt ræðandi dømi um kúgan av sivilsamfelagnum", og Volker Türk, ST-kommisserur fyri mannarættindi, sigur, at eingin skal missa rættin til at gera brúk av sínum mannarættindum, og heitir hann á myndugleikarnir í Russlandi um at leyslata hann umgangandi, skrivar DR.
Kara-Murza, sum í dag varð dømdur 25 ára fongsul fyri landasvik, hevur í fleiri ár funnist at russisku stjórnini m.a. fyri innrásina í Ukraina, og hevur hann heitt á vesturlendskar myndugleikar um at seta í gildi revsitiltøk móti Russlandi
Bretska stjórnin hevur eisini í dag sent boð eftir russiska sendiharranum í Stórabretlandi fyri at gera honum greitt, at bretar fordøma revsingina hjá Kara-Murza, sum eisini hevur bretskan ríkisborgaraskap.
At Russland ikki vil verja grundleggjandi mannarættindi, m.a. talufrælsi, er ørkymlandi, sigur bretski uttanríkismálaráðharrin, James Cleverly sambært Reuters.
Les eisini: Russland: 25 ára fongsulsrevsing fyri landasvik
Vinarliga broyt tínar kennifíla - og privatlívsstillingar fyri at síggja hetta innihald