Innanlands

Herða verkfallið aftur

Frá hósdegnum klokkan 15 fara sjúkrarøktarfrøðingar á songjardeild A3 á Landssjúkrahúsinum, dagskurð á Landssjúkrahúsinum og á songjardeildini á Suðuroyar Sjúkrahúsi í arbeiðssteðg

Hetta er triðju ferð, at arbeiðssteðgurin verður víðkaður (Mynd: Klara Johannesen)

2020-10-27 16:48

Agnar Prestá

Mánadagin 19. oktober fóru sjúkrarøktarfrøðingar og operatiónssjúkrarøktarfrøðingar á Landssjúkrahúsinum og á Klaksvíkar Sjúkrahúsi í verkfall. Hetta varð gjørt, eftir at semja ikki varð funnin millum Felagið Føroyskir Sjúkrarøktarfrøðingar og Lønardeildina hjá Fíggjarmálaráðnum.

Arbeiðssteðgurin varð víðkaður hósdagin 22 oktober, so at hann eisini fevndi um sjúkrarøktarfrøðingar á songjardeild B8 á Landssjúkrahúsinum, og aftur í gjár so at hann fevndi um B6 á Landssjúkrahúsinum - undantikið deildarleiðslu og røkt og viðgerð av palliativum sjúklingum.

Seinnapartin hevur Felagið Føroyskir Sjúkrarøktarfrøðingar boðað frá
á arbeiðssteðgi fyri sjúkrarøktarfrøðingar frá hósdegi 29. oktober 2020 kl. 15:00 fyri. Hann fevnir um hesar sjúkrarøktarfrøðingar:

Sjúkrarøktarfrøðingar á songjardeild A3 á Landssjúkrahúsinum
Sjúkrarøktarfrøðingar á dagskurð á Landssjúkrahúsinum
Sjúkrarøktarfrøðingar á songjardeildini á Suðuroyar Sjúkrahúsi

Deildarleiðarar og varaleiðarar á nevndu deildum eru undantiknir.

Í gjár gjørdi Semingsstovnurin greitt, at hann ikki ger meira fyribils. Samráðingarnar standa í botni.

Vinarliga broyt tínar kennifíla - og privatlívsstillingar fyri at síggja hetta innihald