“Hetta monstrum av eini snurrandi ferðavinnuinstallatión”

Men so er tað fyri okkum. Portrið. Hetta óskiljandi inntriv í føroyska nátturu og føroysku fólkasálina. Fái meg ikki at fara um tað, hvør upphæddin so er. Portrið er lokað og skal fyri mín part vera tað í allar ævir. 

Hetta monstrum av eini snurrandi ferðavinnuinstallatión við einum enskttalandi gjaldsterminali mitt í tí algrøna summardalinum, er ov nógv at fara um, og eg vendi við. Bóndamammon kann eiga hetta sirkus. Gangi niðan aftur eftir gamla vegnum, sum enn liggur væl í lendinum, akkurát so sum hann eigur og hevur gjørt alt tað, eg minnist.

Les bloggin hjá Birgiri Kruse á leinkjuni herundir

Eg eri portrið og vegurin