Í dag verður nýggi Skúlin á Fløtum tikin í nýtslu

Fyrrapartin í dag flyta næmingar og starvsfólk endiliga inn í nýggja Skúlan á Fløtum.

Síðan skúlin varð samanlagdur fyri nøkrum árum síðani, hevur hann húsast í nógvum ymiskum bygningum í Havn og á Argjum, men frá í dag verður alt savnað, skrivar Skúlablaðið.

Næmingarnir fara nú klokkan 10 í skrúðgongu á Frælsinum niðan í Hans Andriasargøtu, og síðani fara flokkarnar í heimastovurnar.

Talan er um tilsamans 850 næmingar og 100 starvsfólk, sum í dag flyta inn í skúlan, sum Árni Winther arkitektar, ZETA architects, Brim arkitektar, SMJ og LBF hava sniðgivið.