IRF kunnar um trygdartiltøk viðvíkjandi gráa, hvíta og reyða posa

Tað er nógv, ið bendir á, at coronavirusið kann yvirliva eina rúma tíð uttanfyri mannakroppin á yvirflatum úr t.d. plasti ella jarni. Hjá IRF eru vit noydd at gera alt vit kunnu, fyri at innsavningin hjá okkum kann halda fram ótarnað, sigur IRF, sum heitir á borgarar í limakommunum um at fylgja hesi tilmæli:

• Bindið fyri allar posar, sum fara út í gráa posan. IRF viðmælir at nýta keyptar burturkastposar við innbygdum bandi.
• Snørið gráa posan við bandi ella teypi dagin fyri, hann verður heintaður. Posin skal framhaldandi vera í ruskstativinum, eftir at hann er bundin fyri.
• Hugsið um reinførið, tá ið tit binda um gráa posan.
• Fyri at umgangast smittuvanda, so verða yvirfyltir posar ikki tiknir.
• Fyri at fyribyrgja at fuglur kemur at posunum og innihaldið verður spjatt út í umhvørvið, vil IRF staðiliga heita á øll húski, ið enn ikki hava eitt ruskstativ uttanfyri, um at fáa sær eitt til vega.
• Vit hava fyribils steðgað innsavningini av hvítum og reyðum posum. Vit mæla til, at tit goyma hesar posar við hús næstu tvær vikurnar.

Meira kunning fæst her.