IRF tikið nýggja móttøkuhøll í nýstlu

Nýggja Móttøkuhøllin á Hagaleiti í Leirvík er nú liðug og verður í løtuni royndarkoyrd.

Hetta boðar IRF frá í dag.

IRF vísur á heimasíðu sínari á fleiri fyrimunur, sum nýggja høllin gevur felagnum:  

- IRF og vinnan fáa betri umstøður til at skilja burturkast frá til endurvinning,

- Nýútbygda Brennistøðin og økta brenniorkan hjá IRF nú eisini fult gagnnýtt.

- Størsti parturin av burturkastmóttøkuni miðsavnaður á Hagaleiti (Sparir nógva tíð og orku hjá IRF og hjá vinnukundum felagsins)

- Betri umstøður at skilja blandað burturkast, og á henda hátt kann ein størri partur fara til endurvinning heldur enn at verða brendur.  

- Brunnur, ið rúmar 450 m³

- Kvørn, ið verður mett at kvarna uml. 30 m³ av burturkasti um tíman. Kvarnað burturkast fyllir minni og er lættari at blanda við burturkastið í køstinum, og Hetta gevur javnari og betri brenning

- Magnet, ið tekur alt jarnið burturúr 


Mynd: IRF

Umhvørvisligir og rakstrarligir fyrimunir, sambært IRF: 

• Vinnan fær betri møguleikar at skilja burturkastið
• Vinnan fær møguleika sjálv at koma við sínum burturkasti
• Vinnan sleppur at lata stórt brenniburturkast beinleiðis til IRF á Hagaleiti
• IRF fær betri umstøður at skilja blandað burturkast
• Alt burturkast verður viðgjørt innandura, soleiðis at einki fýkur í náttúruni
• Við kvarnaðum burturkasti fær Brennistøðin betri og javnari brenning
• Borgarar og vinna fáa betri og støðugari tænastu frá IRF
• Jarn og annað tilfeingi fæst burtur úr brenniburturkastinum til endurvinning
• Minni av jarnleivdum verður í øskuni frá Brennistøðini

IRF skrivar til seinast, at høllin fer á mangan hátt at broyta mannagongdirnar á føroyska burturkast- og endurnýtsluøkinum, og hon gevur nýggjar møguleikar fyri skiljing og viðgerð av burturkasti. Rakstrarligu og umhvørvisligu fyrimunirnir eru nógvir, og høllin er eitt stórt stig á grønu kós felagsins og landsins.