Ísrael: Leiðarin av flogherinum hjá Hamas deyður

Ísraelsk jagarflogfør hava dripið Asem Abu Rakaba, leiðari fyri flogherin hjá Hamas, sum eisini var við til at leggja álopið 7. oktober til rættis.

Tað sigur ísraelski herurin IDF á sosiala miðlinum X, sum fyrr varð nevndur Twitter.

Í minsta lagi 1.400 fólk lótu lív í álopinum á Ísrael 7. oktober, og harafturat vórðu yvir 200 gíslar tiknir, og bert fáir teirra eru leyslatnir aftur, skrivar Ritzau.

Síðan 7. oktober hevur Ísrael framt fleiri álop á Gaza, og sambært palestinskum myndugleikum hava í minsta lagi 7.000 fólk latið lív í álopunum.

Les eisini: ST við áheitan um vápnahvíld