Jóhan Eli tikið sæti á tingi

Hann fekk 230 persónliga atkvøður á valinum 31. august og varð harvið nummar 12 á listanum hjá Fólkaflokkinum. Í dag tók hann fyri fyrstu ferð sæti á tingið.

Jóhan Eli Lyngvej Poulsen kemur inn, tí Jøren Niclassen, Jákup Vestergaard og Elsebeth Mercedis Gunnleygsdóttir hava fingið landstýrissessir, og av tí at ein av teimum næstu trimum á listanum, Annika Olsen, hevur biðið um farloyvi.

Heðin Zachariassen og Brandur Sadoy eru eisini borgarstjórar, men Brandur gevst sum borgarstjóri, og Heðin fer at spyrja limirnir í býðráðnum í Sunda Kommunu, um hann kann røkja løgtingssessin eisni.

Jóhan Eli er skipari. Hann fekk 101 atkvøður í Hvalba til løgtingsvalið.