John fingið dýrabarar dropar í varðveitslu

Tað var nærmast høgtíðsstemningur í Beintustovu á matstovuni Áarstovu eitt kvøldið í vikuni. Orsøkin var, at eitt heilt serligt vín skuldi smakkast. Eitt vín, ið er tappað serliga til hesa matstovuna – nei, í veruleikanum serliga til fryntliga vertin og høvuðstænaran á matstovuni, John Mikkelsen.

Og tað var ikki eiti á víni,  sum kom í gløsini hetta kvøldið.

Vit tosa um “Hospice de Beaune” frá 2019, frískligt pinot noir, men tað serliga við hesi fløskuni, er at hon hevur eina heilt serstaka etikettu, har tað stendur, at hon er tappað serliga til John Mikkelsen, víntænara á Áarstovu.

(Mynd: Ingi Samuelsen)

Við um borðið, sum er serbygt við stavnunum á stolta seksmannafarinum, sum einaferð bar stolta navnið “Advokaturin”, eru nakrir kræsnir vínserfrøðingar komnir at smakka.

Ávísur spenningur er í luftini, tá Jóhannes Jensen, stjóri fyri fyritaksseminum, loysir proppin úr fyrstu fløskuni, og skeinkir fyrstu burgundar-droparnar í víðu reyðvínsgløsini.

Og eitt slag av semju breiðir seg skjótt kring borðið. Jú, hetta er gott. Mann vera ein av bestu vínfløskunum, sum eru skonktar í Føroyum, heldur onkur. Tey anga kirsiber, mandlur, siga at smakkurin er ‘juizy’, avbalanseraður og væl lagraður. Flott.

Les alla greinina í Blaðnum Vikuskiftið (trýst á myndina herundir)