Mentan

"Joker" tilnevndur 11 Oscar-virðislønir

Í dag vórðu ársins Oscar-tilnevningar almannakunngjørdar, og filmurin "Joker" fekk flest tilnevningar

(Savnsmynd)

(Savnsmynd)

2020-01-13 15:10 Author image
Alda Nielsdóttir
placeholder

Sunnukvøldið 9. februar verður 92. Oscar-handanin á skránni í Los Angeles í amerikanska statinum Kalifornia, og seinnapartin vórðu ársins tilnevningar kunngjørdar.

Filmurin "Joker", sum varð frumsýndur í heyst, hevur heilar 11 tilnevningar, m.a. fyri "Besta Film". Høvuðsleikarin, Joaquin Phoenix, er eisini tilnevndur í bólkinum "Besti Mannligi Høvuðsleikari".

Netflix-filmurin "The Irishman", filmurin "1917", sum snýr seg um 1. heimsbardaga, og "Once Upon a Time in Hollywood" hjá Quentin Tarantino eru allir tilnevndir 10 ferðir.

Ein danskur dokumentarfilmur, "The Cave", er eisini millum tey tilnevndu. Hann er tilnevndur í bólkinum "Besti Dokumentarfilmur".

Til ber at síggja øll tey tilnevndu her.

Les eisini: Oscar handanin heldur ongan vert í ár

placeholder
placeholder