Jólahald í KFUM & K í Klaksvík jólaaftan

Eins og seinastu mongu árini, verður jólahald í KFUM & K í Klaksvík jólaaftan frá klokkan 18. Hetta er fyri tey, ið ikki hava nakran annan at halda jól saman við.

Sí eisini: Aftur í ár verður jólaaftanshald í KFUM & K

Fyrireikarar skriva, at tey fara at syngja jólasangir og eisini hoyra jólaevangeliið. Og so er tað maturin.

- Vit eta ein góðan jóladøgurða og hugna okkum við spurnarkapping og dansa um jólatræið. Eisini fáa vit ein góðan drekkamunn og rísgreyt við mandlu og sjálvandi fáa øll jólagávu.

Sambært Trúboðanum verður tilmeldingin opin til leygardagin 21. desembur - hjá Dagny Miðskarð á telefon 580859.