Agnar Prestá
Sum vanligt kemur jólaskipið á Klaksvík stutt áðrenn jólaaftan við nógvum jólamonnum umborð.
Norðlýsið skrivar í dag, at tey frætta frá jólamonnunum umborð á jólaskipinum, ið siga at teir verða har hósdagin 22. desember.
Tann dagin kemur jólaskipið sum vant bæði á Leirvík og Klaksvík
- Fyrst leggja teir at bryggju kl. 17.00 í Leirvík. Síðani liggur leiðin á Klaksvík har teir leggja at bryggju kl. 18.00.
Vanligt er, at nógv verður gjørt burturúr tiltakinum, har jólamenn framføra, børnini fáa pakkar, og í Klaksvík verður Ársins Rósa handað.
- Ársins Rósa” er ætlað sum eitt herðaklapp til ein persón, sum hevur víst serligt hjálpsemi, samfelagssinni ella, sum á annan hátt hevur verið fólki og samfelagi at serligum gagni.
Tiltakið verður úti í Klaksvíksgarðinum, niðanfyri Forminnissavnið, sum eisini hevur opið í samband við tiltakið, skrivar klaksvik.fo
Vinarliga broyt tínar kennifíla - og privatlívsstillingar fyri at síggja hetta innihald